Jóhannes Kristinn Bjarnason, leikmaður KR, er á leið til danska liðsins Kolding IF, en það er sparkspekingurinn Hjörvar Hafliðason sem greinir frá þessu í kvöld.
Hjörvar segir að Jóhannes Kristinn hafi kvatt liðsfélaga sína í KR í morgun. Jóhannes Kristinn hefur skorað sex mörk í 14 deildarleikjum og lagt upp önnur þrjú fyrir KR í Bestu deildinni á yfirstandandi leiktíð.
Jóhannes Kristinn var á dögunum orðaður við skoska úrvalsdeildarliðið Glasgow Rangers og belgíska úrvalsdeildarliðið Genk.
Kolding IF leikur í dönsku B-deildinni og er í 5. sæti deildarinnar eftir aðeins tvær umferðir. Ari Leifsson leikur með liðinu.
