Viktor Bjarki Daðason, 17 ára framherji FC Kaupmannahafnar, skoraði í 3:2-sigri á Kairat Almaty í kvöld í 5. umferð deildarkeppni Meistaradeildar Evrópu. Markið kom á 26. mínútu og var hans annað í keppninni.
Með markinu varð Viktor yngsti leikmaður í sögu Meistaradeildarinnar til að skora í tveimur eða fleiri leikjum í keppninni, met sem áður var í eigu Lamine Yamal hjá Barcelona.
Viktor hefur nú skorað tvö mörk í fyrstu þremur leikjum sínum í keppninni og verið áberandi á sínu fyrsta tímabili með aðalliði FC Kaupmannahafnar.
Sigurinn í kvöld var jafnframt sá fyrsti hjá FC Kaupmannahöfn í deildarkeppninni og hefur liðið nú fjögur stig eftir fimm umferðir.
