Stefan Ingi Sigurðarson, Hinrik Harðarson og Ólafur Guðmundsson skoruðu allir fyrir lið sín í Noregi í dag.
Stefán Ingi skoraði annað mark Sandefjord í uppbótartíma fyrri hálfleiks þegar liðið sigraði Sarpsborg, 3:2, í norsku úrvalsdeildinni. Stefán Ingi lék allan leikinn en Sveinn Aron Guðjohnsen var ónotaður varamaður hjá Sarpsborg.
Stefán Ingi hefur nú skorað níu deildarmörk á leiktíðinni og er á meðal þeirra markahæstu í deildinni. Sandefjord er í 6. sæti eftir 15 leiki. Hér má sjá mark Stefáns í dag.
Viðar Ari Jónsson kom inn á sem varamaður á 86. mínútu í 3:0-útisigri HamKam á Haugesund. HamKam er í 14. sæti eftir 15 leiki.
Ólafur Guðmundsson innsiglaði sigur Aalesund þegar hann skoraði með skalla eftir hornspyrnu á 82. mínútu í 2:0 sigri á Moss í norsku B-deildinni. Ólafur lék allan leikinn og Davíð Snær Jóhannsson lék síðustu mínúturnar. Aalesund er í fjórða sæti eftir 14 leiki. Hér er mark Ólafs.
Hinrik Harðarson skoraði eina mark Odds í 3:1 tapi gegn Ranheim í norsku B-deildinni. Hinrik byrjaði leikinn á varamannabekknum en kom inn á 72. mínútu og skoraði á 78. mínútu og var því ekki lengi að láta til sín taka. Odds er í 8. sæti eftir 14 leiki. Hér er hægt að sjá mark Hinriks.
