Stefán Teitur Þórðarson og Willum Þór Willumsson voru báðir í sigurliðum í ensku B-deildinni í dag.
Stefán Teitur kom inn á sem varamaður hjá Preston á 73. mínútu 2:1 sigri á heimavelli gegn Leicester City. Preston er með fjögur stig eftir fyrstu tvo leikina í deildinni.
Willum Þór Willumsson lék síðustu mínúturnar fyrir Birmingham sem varamaður í 2:1-útisigri gegn Blackburn Rovers. Birmingham er með fjögur stig.
Guðlaugur Victor Pálsson lék fyrri hálfleikinn fyrir Plymouth sem beið lægri hlut fyrir Lincoln City, 3:2, í ensku C-deildinni. Plymouth er án stiga eftir þrjár umferðir.
Í deildabikranum í Skotlandi lék Tómas Bent Magnússon fyrri hálfleikinn fyrir Hearts, sem tapaði fyrir St. Mirren eftir vítaspyrnukeppni.
Í ítölsku bikarkeppninni lék Bjarki Steinn Bjarkason allan leikinn fyrir Venezia sem vann 4:0 stórsigur á Mantova í 64-liða úrslitum keppninnar.
Þá lék Elías Már Ómarsson allan leikinn í fremstu víglínu fyrir Meizhou Hakka í 1:0 tapi liðsins gegn Changchun Yatai í kínversku úrvalsdeildinni. Meizhou Hakka er í fallbaráttu og situr í 14. sæti af 16 liðum.
