Asier Illarramendi, fyrrverandi fyrirliði Real Sociedad, hefur mikla trú á Orra Steini Óskarssyni. Í viðtali hjá Goazen Reala! hjá El Diario Vasco fór hann yfir leikmannahóp liðsins og ræddi hvaða leikmenn gætu skarað framúr á næstu mánuðum.
Illarramendi sagði að nokkrir leikmenn gætu látið til sín taka á tímabilinu, en bætti við að í hans augum væri Orri Steinn sá sem stæði upp úr.
„Það eru margir sem geta látið til sín taka, en ég myndi sérstaklega nefna Óskarsson,“ sagði hann í viðtalinu.
Orri Steinn lék 37 leiki fyrir Real Sociedad í öllum keppnum á síðasta tímabili og skoraði í þeim leikjum sjö mörk.
