Hólmbert Aron Friðjónsson er að ganga í raðir liðsins Gwangju FC í Suður-Kóreu, samkvæmt 433.is í dag.
Hólmbert, sem er 32 ára, yfirgaf þýska B-deildarliðið Preussen Münster fyrir tveimur mánuðum. Hann lék með liðinu á síðustu leiktíð, þar sem hann skoraði þrjú mörk í 23 leikjum.
Gwangju leikur í efstu deild í Suður-Kóreu og endaði í níunda sæti deildarinnar á síðustu leiktíð, en á þessari leiktíð er liðið í sjötta sæti eftir 23 umferðir.
Framherjinn stæðilegi hefur komið víða við á atvinnumannaferli sínum og athyglisvert verður að fylgjast með honum í Suður-Kóreu. Hólmbert hefur leikið sex A-landsleiki og hefur skorað í þeim tvö mörk.
