Elías Rafn Ólafsson og samherjar hans í Midtjylland fóru létt með Nordsjælland, 6:0, í dönsku úrvalsdeildinni í dag.
Elías Rafn var á sínum stað í marki Midtjylland og hafði lítið að gera í leiknum. Midtjylland var ekki lengi að gera út um leikinn og var komið í 3:0 forystu eftir korter.
Midtjylland er í öðru sæti deildarinnar með 35 stig, aðeins tveimur stigum á eftir toppliði AGF þegar 17 umferðir hafa verið leiknar.
Viktor Bjarki Daðason fékk tækifæri með FC Kaupamannahöfn og kom inn á sem varamaður á 61. mínútu i 2:0 tapi gegn AGF. Tómas Óli Kristjánsson sat á varamannabekknum hjá AGF. FC Kaupmannahöfn er í 4. sæti með 28 stig.
Guðlaugur Victor Pálsson lék allan leikinn þegar Horsens gerði markalaust jafntefli við AaB í dönsku B-deildinni. Nóel Atli Arnórsson lék fyrstu 72 mínútnar fyrir AaB. Horsens er í 3. sæti á meðan AaB er í 6. sæti eftir 18 umferðir.
Þá lék Jóhannes Kristinn Bjarnason síðasta hálftímann fyrir Kolding í 1:1 jafntefli gegn Aarhus Fremad. Kolding er í 7. sæti.
