Stefano Pioli, nýr knattspyrnustjóri ítalska A-deildarliðsins Fiorentina, talaði vel um Albert Guðmundsson, leikmann liðsins, þegar hann sat fyrir svörum blaðamanna í dag.
Albert var í sumar keyptur til Fiorentina á 13 milljónir evra en hann lék með liðinu á síðustu leiktíð á lánssamningi frá Genoa.
Albert leikur í fremstu víglínu og talsverð samkeppni verður um framherjastöðurnar hjá Fiorentina, en Pioli hefur mikla trú á Alberti.
„Albert er gæðaleikmaður, bæði klár og útsjónarsamur. Hann hefur hæfileika til að finna pláss og leysa úr erfiðum aðstæðum. Hann er sterkur og ég hef mikla trú á honum,“ sagði Pioli.
