Sverrir Ingi Ingason var í byrjunarliði Panathinaikos í fyrsta sinn á leiktíðinni þegar liðið vann Athens Kallithea 1:0 í 1. umferð gríska bikarsins í gær.
Landsliðsmiðvörðurinn bar fyrirliðabandið og lék allan leikinn í vörninni sem hélt hreinu. Það var um leið fyrsta verkefni hans með gríska félaginu síðan á síðustu leiktíð.
Sverrir hafði ekki fengið tækifæri undir stjórn Rui Vitória, sem var látinn fara eftir slæma byrjun Panathinaikos á leiktíðinni. Eftir þjálfaraskiptin fékk hann hins vegar strax traustið og svaraði því með traustri frammistöðu.
Logi og Andri mættust í Tyrklandi
Íslendingaslagur fór fram í tyrknesku úrvalsdeildinni þegar Samsunspor og Kasimpasa gerðu markalaust jafntefli í Samsun.
Logi Tómasson var í byrjunarliði heimamanna og lék í rúmar sjötíu mínútur áður en hann fór af velli. Andri Fannar Baldursson lék hins vegar allan leikinn á miðjunni hjá Kasimpasa.
Eftir fimm umferðir er Samsunspor í 8. sæti deildarinnar með 8 stig, en Kasimpasa hefur safnað 4 stigum og situr í 12. sæti.
