Varnarmaðurinn Eyrún Embla Hjartardóttir hefur yfirgefið Stjörnuna og samið við BK Häcken, topplið sænsku úrvalsdeildarinnar.
Eyrún, sem er 20 ára og uppalin á Snæfellsnesi, kom til Stjörnunnar árið 2021 frá Víkingi Ólafsvík. Hún hefur leikið 51 leik í efstu deild og á að baki 30 landsleiki fyrir yngri landslið Íslands þar sem hún hefur skorað eitt mark.
Häcken trónir á toppi sænsku deildarinnar með 30 stig eftir 13 umferðir. Þar leikur einnig landsliðsmarkvörðurinn Fanney Inga Birkisdóttir. Næsti leikur liðsins er við Bryndísi Örnu Níelsdóttur og stöllur í Växjö þann 17. ágúst.
