Birmingham er komið áfram í 2. umferð enska deildabikarsins eftir 2:1-heimasigur á Sheffield United í kvöld.
Willum Þór Willumsson lék allan leikinn fyrir heimamenn og átti stoðsendinguna í sigurmarkinu sem Jay Stansfield skoraði á 87. mínútu leiksins.
Alfons Sampsted var ekki í leikmannahópi Birmingham og er búist við að hann yfirgefi liðið á næstunni.
Í næstu umferð tekur Birmingham á móti C-deildarliðinu Port Vale. Birmingham hóf keppni í ensku B-deildinni síðasta föstudag og gerði 1:1 jafntefli við Ipswich í 1. umferðinni.
