Davíð Snær Jóhannsson var í stóru hlutverki þegar Álasund tryggði sér sæti í næstu umferð norska bikarsins í gær. Hann lagði upp þrjú af fjórum mörkum liðsins í 4:1 endurkomusigri á Traeff, þrátt fyrir að liðið hefði lent undir snemma leiks.
Odd, með Hinrik Harðarson í byrjunarliðinu, vann 3:1 sigur á Pors og fór einnig áfram.
Í sænska bikarnum skoraði Mikael Anderson sitt fyrsta mark í Svíþjóð þegar hann kom Djurgården í 2:1 úr vítaspyrnu á 68. mínútu, skömmu eftir að hafa komið inn á sem varamaður.
Djurgården vann að lokum sannfærandi 4:1 sigur og er komið áfram í keppninni. Mikael gekk til liðs við félagið frá AGF í Danmörku í sumar.
