Emelía Óskarsdóttir, leikmaður HB Køge, var á dögunum útnefnd efnilegasti leikmaður liðsins á þessu ári. Tilkynnti liðið þetta í aðdraganda bikarleiks gegn AGF í dönsku bikarkeppninni.
Emelía, sem er 19 ára, hefur komið sterk til baka eftir að hafa slitið krossband í ágúst í fyrra og verið frá keppni í rúmt ár. Hún sneri aftur í haust og hefur síðan skorað níu mörk í tólf leikjum, þar á meðal þrennu gegn FC Kaupmannahöfn í bikarkeppninni.
HB Køge trónir á toppi dönsku úrvalsdeildarinnar með þriggja stiga forystu og er jafnframt komið í undanúrslit bikarsins.
