Brynjólfur Darri Willumsson, leikmaður Groningen, hefur verið útnefndur leikmaður ágústmánaðar í hollensku úrvalsdeildinni. Hann er fyrsti leikmaður Groningen sem hlýtur þennan heiður, sem byggir á tölfræðigreiningu Opta.
Frammistaða hans í upphafi tímabilsins hefur verið frábær en hann er markahæsti leikmaður deildarinnar með fimm mörk í fjórum leikjum. Þar með hefur hann þegar bætt markatölu sína frá allri síðustu leiktíð.
Brynjólfur skoraði tvívegis í sigri á Heracles, komst á blað gegn PSV og tryggði Groningen dramatískan sigur á Heerenveen með því að skora tvö mörk.
