Mosfellingurinn Ísak Snær Þorvaldsson er á leiðinni til danska liðsins Lyngby á láni frá Rosenborg, samkvæmt norska blaðamanninum Stian André de Wahl hjá Nettavisen.
Ísak, sem er 24 ára framherji, hefur aðeins komið við sögu í fimm leikjum af 14 með Rosenborg í norsku úrvalsdeildinni á leiktíðinni og hefur ekki náð að skora.
Stian Wahl segir að Ísak muni ganga í raðir Lyngby á lánssamningi út tímabilið, með möguleika á kaupum að honum loknum.
Lyngby mun leika í dönsku B-deildinni á næstu leiktíð eftir að hafa fallið úr dönsku úrvalsdeildinni á síðustu leiktíð.
Fyrsti leikur Lyngby á komandi leiktíð verður þann 20. júlí.
