Kasimpasa í Tyrklandi hefur samið við miðjumanninn Andra Fannar Baldursson. Hann kemur frá Bologna á Ítalíu.
Andri Fannar lék aðeins 16 leiki hjá Bologna en hann lék á lánssamningi hjá FC Kaupmannahöfn, NEC Nijmegen og Elfsborg í Svíþjóð á síðustu árum.
Í síðasta mánuði framlengdi Bologna samning hans um ár og því þurfti tyrkneska félagið að kaupa hann. Andri hefur skrifað undir þriggja ára samning við Kasimpasa sem endaði í 10. sæti tyrknesku úrvalsdeildarinnar á síðasta tímabili.
Andri Fannar er uppalinn hjá Breiðabliki og hefur leikið tíu A-landsleiki fyrir Ísland. Hann hefur einnig spilað 56 leiki fyrir yngri landsliðin.
