Orri Steinn Óskarsson heldur áfram að skora fyrir Real Sociedad í undirbúningi liðsins fyrir nýtt tímabil. Hann kom inn af bekknum í hálfleik í æfingaleik gegn Osasuna í dag og skoraði aðeins nokkrum mínútum síðar úr vítaspyrnu. Real Sociedad vann leikinn 4:1.
Markið kom af vítapunktinum og gerði Orri sér lítið fyrir og lyfti boltanum á mitt markið á meðan markmaðurinn skutlaði sér. Þetta skemmtilega víti má sjá hér fyrir neðan.
Með þessu marki er Orri kominn með þrjú mörk í síðustu tveimur leikjum á undirbúningstímabilinu og virðist í góðu formi fyrir upphaf tímabilsins á Spáni.
Panenka de Oskarsson. pic.twitter.com/UY2jlUNeAr
— X-TEBE 🇵🇲 🔻 🏴☠️☭ (@EtxebeRS) July 30, 2025
