Vikuuppgjör: Þó nokkrir á skotskónum

Íslenskir leikmenn létu til sín taka víðs vegar í Evrópu í liðinni viku, bæði í Evrópukeppnum og deildarleikjum.

Hilmir Rafn Mikaelsson átti góðan leik fyrir norska liðið Viking þegar hann skoraði tvö mörk í 7:0 stórsigri á Koper í forkeppni Sambandsdeildarinnar. Í forkeppni Meistaradeildarinnar skoraði Sævar Atli Magnússon eina mark Brann í 4:1 tapi gegn Salzburg.

Gísli Gottskálk Þórðarson var lykilmaður í æsispennandi 4:3 sigri Lech Poznan í pólsku úrvalsdeildinni. Hann skoraði eitt mark, lagði upp annað og átti þátt í því þriðja.

Stefán Ingi Sigurðarson skoraði í 3:2 sigri Sandefjord gegn Sarpsborg í norsku úrvalsdeildinni og Hinrik Harðarson kom inn af bekknum og skoraði fyrir Odd í tapi. Ólafur Guðmundsson innsiglaði sigur Aalesund með marki í 2:0 sigri.

Ísak Snær Þorvaldsson var síðan á skotskónum í öðrum leiknum í röð með liði sínu Lyngby í dönsku B-deildinni.

Þá lék Jónatan Guðni Arnarsson sinn fyrsta leik fyrir Norrköping í Svíþjóð og Oliver Stefánsson spilaði sinn fyrsta leik í pólsku B-deildinni með GKS Tychy.

Evrópukeppnir

Arnór Sigurðsson (Malmö) kom inn á sem varamaður á 70. mínútu í 4:1 sigri Malmö gegn RFS í fyrri leik liðanna í 2. umferð forkeppni Meistaradeildar Evrópu síðasta þriðjudag.

Gísli Gottskálk Þórðarson (Lech Poznan) kom inn á sem varamaður á 43. mínútu í 7:1 stórsigri gegn Breiðabliki í fyrri leik liðanna í 2. umferð forkeppni Meistaradeildar Evrópu síðasta þriðjudag.

Guðmundur Þórarinsson (Noah) kom inn á sem varamaður á 70. mínútu í 2:1 tapi Noah gegn Ferencváros í fyrri leik liðanna í 2. umferð forkeppni Meistaradeildar Evrópu síðasta þriðjudag.

Hilmir Rafn Mikaelsson (Viking) skoraði tvö fyrir mörk fyrir Viking í 7:0 stórsigri gegn Koper í fyrri leik liðanna í 2. umferð forkeppni Sambandsdeildarinnar síðasta fimmtudag. Hilmir lék allan leikinn.

Sævar Atli Magnússon (Brann) skoraði eina mark Brann í 4:1 tapi liðsins gegn Salzburg í fyrri leik liðanna í 2. umferð forkeppni Meistaradeildar Evrópu síðasta miðvikudag. Sævar Atli lék fyrstu 74 mínúturnar og Eggert Aron Guðmundsson (Brann) lék allan leikinn.

Belgía

Andri Lucas Guðjohnsen (Gent) kom inn á sem varamaður á 87. mínútu í 3:1 tapi gegn St. Truiden í belgísku úrvalsdeildinni.

Danmörk

Daníel Leó Grétarsson (Sønderjyske) lék allan tímann í 6:2 tapi gegn Midtjylland í dönsku úrvalsdeildinni í gær.

Ísak Snær Þorvaldsson (Lyngby) skoraði eina mark Lyngby í 1:1 jafntefli gegn B93 í dönsku B-deildinni síðasta föstudag. Hann byrjaði upphaflega leikinn á varamannabekknum en lék allan seinni hálfleikinn.

Nóel Atli Arnórsson (AaB) kom inn á sem varamaður á 40. mínútu í 2:2 jafntefli gegn Hillerod og fékk svo beint rautt spjald í upphafi seinni hálfleiks í dönsku B-deildinni síðasta laugardag.

Ólafur Dan Hjaltason (Aarhus Fremad) lék í 81 mínútu í 2:1 tapi gegn HB Koge í dönsku B-deildinni síðasta föstudag.

Kína

Elías Már Ómarsson (Meizhou Hakka) lék allan leikinn í 3:0 tapi gegn Shandong Taishan í kínversku úrvalsdeildinni.

Noregur

Hinrik Harðarson (Odd) skoraði eina markið fyrir Odd í 3:1 tapi liðsins gegn Ranheim í norsku B-deildinni. Hann byrjaði leikinn á varamannabekknum en kom inn á 72. mínútu og skoraði á 78. mínútu.

Ólafur Guðmundsson (Aalesund) lék tvo leiki í liðinni viku í norsku B-deildinni. Hann lék allan tímann í 2:2 jafntefli gegn Egersund síðasta þriðjudag og innsiglaði sigurinn gegn Moss, 2:0, síðasta laugardag. Davíð Snær Jóhannsson (Aalesund) lék síðustu mínúturnar gegn Moss.

Stefán Ingi Sigurðarson (Sandefjord) skoraði í 3:2 sigri á Sarpsborg í norsku úrvalsdeildinni síðasta laugardag. Hann lék allan leikinn.

Viðar Ari Jónsson (HamKam) kom inn á sem varamaður á 86. mínútu í 3:0 sigri gegn Haugesund í norsku úrvalsdeildinni síðasta laugardag.

Pólland

Davíð Kristján Ólafsson (Cracovia) lék allan tímann í 2:0 sigri gegn Termalica Nieciecza í pólsku úrvalsdeildinni síðasta föstudag.

Gísli Gottskálk Þórðarson (Lech Poznan) skoraði, lagði upp og kom að undirbúningi í einu öðru marki í 4:3 endurkomusigri gegn Lechia Gdansk í pólsku úrvalsdeildinni síðasta laugardag. Gísli kom inn á rétt fyrir leikhlé, á 31. mínútu, og breytti gangi leiksins. Gísli var valinn í lið umferðarinnar af sjónvarpsstöðinni Canal+.

Oliver Stefánsson (GKS Tychy) lék sinn fyrsta leik í pólsku B-deildinni í 2:1 sigri á Polonia Warszawa. Hann kom inn á sem varamaður á 83. mínútu.

Svíþjóð

Arnór Ingvi Traustason (Norrköping) lék allan tímann í markalausu jafntefli gegn Degerfors í sænsku úrvalsdeildinni síðasta laugardag. Ísak Andri Sigurgeirsson (Norrköping) lék fyrstu 85 mínútunar. Jónatan Guðni Arnarsson (Norrköping) þreytti frumraun sína en hann kom inn á fyrir Ísak Andra.

Arnór Sigurðsson (Malmö) var í byrjunarliðinu í 3:2 sigri gegn Brommapojkarna í sænsku úrvalsdeildinni síðasta laugardag. Hann var tekinn af velli á 62. mínútu og Daníel Tristan Guðjohnsen (Malmö) kom inn á sem varamaður á 77. mínútu.

Gísli Eyjólfsson (Halmstads) kom inn á sem varamaður á 56. mínútu í 3:0 tapi gegn GAIS í sænsku úrvalsdeildinni síðasta laugardag.

Kolbeinn Þórðarson (IFK Göteborg) lék í 71 mínútu í 4:3 tapi gegn Elfsborg í sænsku úrvalsdeildinni í gær. Ari Sigurpálsson (Elfsborg) kom inn á sem varamaður á 84. mínútu í leiknum og átti þátt í þriðja marki Elfsborg.

Mikael Neville Anderson (Djurgarden) lék fyrstu 75 mínútunar í 6:1 stórsigri á Hacken í sænsku úrvalsdeildinni síðasta sunnudag.

Mörk leikmanna:

Ólafur Guðmundsson: