Í liðinni viku komu yfir 30 íslenskir atvinnumenn við sögu í Evrópukeppnum og deildarleikjum víðs vegar um heim.
Arnór Sigurðsson lék með Malmö sem tryggði sér sæti í næstu umferð forkeppni Meistaradeildarinnar og Guðmundur Þórarinsson lagði upp mark fyrir Noah gegn Ferencváros.
Í Noregi átti Eggert Aron Guðmundsson stórleik fyrir Brann, þar sem hann skoraði og lagði upp í 4:1 sigri gegn Sarpsborg. Viðar Ari Jónsson skoraði fyrir HamKam eftir að hafa komið inn á sem varamaður.
Í Svíþjóð skoruðu fjórir Íslendingar; Ari Sigurpálsson fyrir Elfsborg, Kolbeinn Þórðarson fyrir IFK Göteborg og bæði Arnór Ingvi Traustason og Ísak Andri Sigurgeirsson fyrir Norrköping í markaleik gegn Brommapojkarna.
Guðlaugur Victor Pálsson bar fyrirliðabandið hjá Plymouth og lagði upp mark í ensku C-deildinni. Tómas Bent Magnússon lék sínar fyrstu mínútur með Hearts í skosku úrvalsdeildinni og Brynjar Ingi Bjarnason spilaði sinn fyrsta leik með Greuther Fürth í Þýskalandi. Þá lék Sveindís Jane Jónsdóttir sinn fyrsta leik fyrir Angel City í Bandaríkjunum.
Spilatími leikmanna:
Evrópukeppnir
Arnór Sigurðsson (Malmö) kom inn á sem varamaður á 69. mínútu í 1:0 sigri Malmö gegn RFS í seinni leik liðanna í 2. umferð forkeppni Meistardeild Evrópu síðasta miðvikudag. Malmö vann einvígið samanlagt 5:1.
Eggert Aron Guðmundsson (Brann) lék allan leikinn fyrir Brann í 1:1 jafntefli gegn Salzburg í seinni leik liðanna í 2. umferð forkeppni Meistardeild Evrópu síðasta miðvikudag. Sævar Atli Magnússon (Brann) lék fyrstu 72 mínúturnar í leiknum. Brann tapaði einvíginu samanlagt 5:2 og færist yfir í Evrópudeildina.
Elías Rafn Ólafsson (Midtjylland) kom inn á sem varamarkvörður í blálokin í framlengingu í 2:1 sigri gegn Hiberian í 2. umferð forkeppni Evrópudeildarinnar síðasta fimmtudag. Midtjylland vann einvígið 2:1.
Gísli Gottskálk Þórðarson (Lech Poznan) lék fyrstu 75 mínúturnar í 1:0 sigri Lech Poznan gegn Breiðabliki í seinni leik liðanna í 2. umferð forkeppni Meistardeild Evrópu síðasta miðvikudag. Lech Poznan vann einvígið 8:1.
Guðmundur Þórarinsson (Noah) lagði upp eitt mark í 4:3 tapi Noah gegn Ferencvaros í seinni leik liðanna í 2. umferð forkeppni Meistardeild Evrópu síðasta miðvikudag. Noah tapaði einvíginu 6:4.
Armenía
Guðmundur Þórarinsson (Noah) kom inn á sem varamaður á 78. mínútu í 4:0 sigri gegn Shirak Gyumri í úrvalsdeildinni í Armeníu.
Bandaríkin
Dagur Dan Þórhallsson (Orlando City) var í byrjunarliðinu og lék fyrstu 54 mínúturnar í Leagues Cup-mótinu gegn Atlas síðasta laugardag.
Sveindís Jane Jónsdóttir (Angel City) lék sinn fyrsta leik fyrir Angel City í 2:0 tapi gegn Seattle Reign í bandarísku úrvalsdeildinni. Hún var tekin af velli í uppbótartíma.
Belgía
Andri Lucas Guðjohnsen (Gent) kom inn á sem varamaður í uppbótartíma í 1:0 sigri gegn RAAL La Louviere í belgísku úrvalsdeildinni síðasta laugardag.
Danmörk
Breki Baldursson (Esbjerg) kom inn á sem varamaður á 85. mínútu í 1:0 sigri gegn Middelfart í dönsku B-deildinni síðasta laugardag.
Daníel Leó Grétarsson (Sønderjyske) lék allan tímann í 3:2 sigri gegn Nordsjælland í dönsku úrvalsdeildinni síðasta sunnudag.
Ísak Snær Þorvaldsson (Lyngby) kom inn á sem varamaður á 58. mínútu í 2:0 sigri á Aarhus Fremad í dönsku B-deildinni síðasta laugardag. Ólafur Dan Hjaltason (Aarhus Fremad) kom inn á 64. mínútu.
Jóhannes Kristinn Bjarnason (Kolding) lék sinn fyrsta leik fyrir Kolding í dönsku B-deildinni í 3:1 sigri liðsins gegn HB Koge síðasta föstudag. Hann lék fyrstu 82 mínútnar í leiknum.
England
Guðlaugur Victor Pálsson (Plymouth) bar fyrirliðabandið og lagði upp eina mark Plymouth í 3:1 tapi gegn Barnsley í ensku C-deildinni síðasta laugardag. Hann lék allan leikinn og fékk 7 í einkunn hjá The Football League Paper fyrir frammistöðu sína í leiknum.
Kína
Elías Már Ómarsson (Meizhou Hakka) lék allan leikinn gegn Shanghai Port í kínversku úrvalsdeildinni síðasta laugardag. Elías Már lagði upp mark í leiknum.
Króatía
Danijel Dejan Djuric (NK Istra) kom inn á sem varamaður á 76. mínútu í 2:1 tapi gegn Hajduk Split í króatísku úrvalsdeildinni síðasta sunnudag.
Noregur
Eggert Aron Guðmundsson (Brann) átti mjög góðan leik í 4:1 sigri Brann gegn Sarpsborg í norsku úrvalsdeildinni síðasta laugardag. Hann lék fyrstu 86 mínúturnar í leiknum og lagði upp og skoraði. Sævar Atli Magnússon (Brann) lék allan leikinn.
Hinrik Harðarson (Odd) lék fyrstu 73 mínúturnar í 2:0 sigri gegn Stabæk í norsku B-deildinni síðasta miðvikudag. Hann kom inn á sem varamaður á 70. mínútu í 1:0 tapi gegn Egersund síðasta laugardag.
Stefán Ingi Sigurðarson (Sandefjord) lék í 80 mínútur í 2:1 tapi gegn Valerange í norsku úrvalsdeildinni síðasta sunnudag.
Viðar Ari Jónsson (HamKam) kom inn á sem varamaður á 62. mínútu og skoraði eitt mark í 3:1 tapi gegn Bodo/Glimt í norsku úrvalsdeildinni síðasta sunnudag.
Ólafur Guðmundsson (Aalesund) lék allan tímann og Davíð Snær Jóhannsson (Aalesund) var tekinn af velli í uppbótartíma í 2:2 jafntefli við Lyn í norsku B-deildinni síðasta miðvikudag. Davíð Snær lagði upp mark í 3:1 sigri á Kongsvinger síðasta laugardag, en hann lék fyrstu 69 mínúturnar í þeim leik og Ólafur var tekinn af velli á 69. mínútu.
Pólland
Davíð Kristján Ólafsson (Cravovia) lék fyrstu 63 mínúturnar í 2:2 jafntefli gegn Lechia Gdansk í pólsku úrvalsdeildinni síðasta sunnudag.
Gísli Gottskálk Þórðarson (Lech Poznan) lék fyrri hálfleikinn í 2:1 sigri gegn Gornik Zabrze í pólsku úrvalsdeildinni síðasta laugardag.
Skotland
Tómas Bent Magnússon (Hearts) lék sinn fyrsta leik fyrir Hearts þegar hann lék síðustu mínúturnar í 2:0 sigri gegn Aberdeen í skosku úrvalsdeildinni.
Svíþjóð
Ari Sigurpálsson (Elfsborg) kom inn á sem varamaður á 72. mínútu og skoraði eitt mark í 2:1 sigri gegn Hacken í sænsku úrvalsdeildinni síðasta sunnudag.
Arnór Ingvi Traustason (Norrköping) og Ísak Andri Sigurgeirsson (Norrköping) skoruðu báðir í 6:4 tapi gegn Brommapojkarna í sænsku úrvalsdeildinni síðasta laugardag. Þeir léku allan leikinn og Jónatan Guðni Arnarsson (Norrköping) kom inn á 87. mínútu.
Kolbeinn Þórðarson (IFK Göteborg) lék allan tímann og skoraði eitt mark í 3:0 sigri gegn Degerfors í sænsku úrvalsdeildinni í gær.
Mikael Anderson (Djurgarden) lék allan tímann í 1:1 jafntefli gegn Halmstads í sænsku úrvalsdeildinni síðasta sunnudag. Gísli Eyjólfsson (Halmstads) lék fyrstu 67 mínúturnar í leiknum.
Róbert Frosti Þorkelsson (GAIS) kom inn á sem varamaður á 89. mínútu í 2:2 jafntefli gegn Varnamo í sænsku úrvalsdeildinni síðasta laugardag.
Þýskaland
Brynjar Ingi Bjarnason (Greuther Fürth) lék allan leikinn í 3:2 sigri gegn Dynamo Dresden í þýsku B-deildinni síðasta laugardag. Þetta var fyrsti leikur Brynjars í Þýskalandi.
Jón Dagur Þorsteinsson (Hertha Berlin) kom inn á sem varamaður á 69. mínútu í 2:1 tapi gegn Schalke 04 í þýsku B-deildinni síðasta föstudag.
Mörk og stoðsendingar:
Guðmundur Þórarinsson, stoðsending:
Guðlaugur Victor Pálsson, stoðsending:
Elías Már Ómarsson, stoðsending:
Eggert Aron Guðmundsson, mark og stoðsending:
Viðar Ari Jónsson, mark:
Ari Sigurpálsson, mark:
Arnór Ingvi Traustason, mark:
Ísak Andri Sigurgeirsson, mark:
Kolbeinn Þórðarson, mark:
Kolbeinn Thordarson utökar Blåvitts ledning precis innan halvtidsvilan, 2-0! 👀
📲 Se matchen på HBO Max pic.twitter.com/qLpZxczsjq
— Sports on HBO Max 🇸🇪 (@sportshbomaxse) August 4, 2025
