Íslenskir atvinnumenn létu svo sannarlega að sér kveða á síðustu dögum og stóðu fjölmargir leikmenn upp úr með frábærum frammistöðum.
Brynjólfur Willumsson stal senunni þegar hann skoraði bæði mörk Groningen í 2:1 sigri á Heerenveen í hollensku úrvalsdeildinni. Hann var valinn maður leiksins og sýndi að hann er orðinn lykilmaður hjá félaginu.
Í Noregi skoraði Stefán Ingi Sigurðarson bæði mörk Sandefjord í 2:2 jafntefli við Kristiansund. Hjá Brann skoraði Sævar Atli Magnússon gegn Tromsö en Eggert Aron Guðmundsson kom inn af bekknum og lagði upp markið. Davíð Snær Jóhannsson var í aðalhlutverki í bikarnum þegar hann lagði upp þrjú mörk í 4:1 sigri Aalesund og Hinrik Harðarson skoraði fyrir Odd í jafntefli.
Í Danmörku var Elías Rafn Ólafsson lykilmaður hjá Midtjylland. Hann hélt hreinu í Evrópuleik og aftur í 2:0 sigri á Vejle, þar sem hann fékk 9,9 í einkunn fyrir frammistöðu sína. Ísak Snær Þorvaldsson skoraði fyrir Lyngby í 3:2 sigri á Kolding og Kristall Máni Ingason jafnaði leik fyrir Sønderjyske stuttu eftir að hafa komið inn á sem varamaður.
Í Svíþjóð skoraði Daníel Tristan Guðjohnsen eitt mark og lagði upp annað í 4:0 sigri Malmö á Halmstads. Arnór Ingvi Traustason tryggði Norrköping sigur gegn Elfsborg með marki úr vítaspyrnu, þar sem Ari Sigurpálsson hafði áður skorað fyrir Elfsborg. Mikael Neville Anderson skoraði síðan sitt fyrsta mark fyrir Djurgarden í bikarkeppninni.
Ísak Bergmann Jóhannesson sá til þess að Köln vann dramatískan 2:1 sigur í þýska bikarnum gegn Jahn Regensburg með marki sínu og Valgeir Lunddal Friðriksson lagði upp í sigri Düsseldorf í sömu keppni.
Í frönsku úrvalsdeildnni byrjaði Hákon Arnar Haraldsson tímabilið vel með marki í 3:3 jafntefli Lille og Brest.
Þá var Aron Einar Gunnarsson mikilvægur í úrvalsdeilidnni í Katar þegar hann skoraði í 4:2 sigri Al-Gharafa á Umm Salal og var valinn maður leiksins.
Spilatími leikmanna, ásamt mörkum og fleira:
🇦🇲 Armenía
14. ágúst:
Guðmundur Þórarinsson (Noah) kom inn á sem varamaður í framlengingu gegn Lincoln Red Imps. Staðan eftir venjulegan leiktíma og framlengingu var markalaus og réðust úrslitin því í vítakeppni. Guðmundur skoraði úr sínu víti en Noah beið þar lægri hlut, 6:5.
17. ágúst:
Guðmundur Þórarinsson (Noah) lék allan tímann í 4:1 sigri gegn Gandzasar í úrvalsdeildinni í Armeníu.
🇺🇸 Bandaríkin
16. ágúst:
Sveindís Jane Jónsdóttir (Angel City) lék allan tímann í markalausu jafntefli gegn Utah Royals í NWSL-deildinni.
17. ágúst:
Dagur Dan Þórhallsson (Orlando City) lék allan leikinn í 3:1 sigri á Sporing Kansas City í MLS-deildinni.
🇩🇰 Danmörk
14. ágúst:
Elías Rafn Ólafsson (Midtjylland) hélt hreinu í 2:0 sigri gegn Frederikstad í seinni viðureign liðanna í forkeppni Evrópudeildarinnar. Midtjylland vann einvígið 5:1 og tryggði sér sæti í umspili um Evrópudeildarsæti.
15. ágúst:
Breki Baldursson (Esbjerg) kom inn á sem varamaður á 78. mínútu í 5:1-stórsigri á B 93 í dönsku B-deildinni.
Kristall Máni Ingason (Sønderjyske) byrjaði leikinn á varamannabekknum en hann kom inn á sem varamaður á 58. mínútu og skoraði aðeins fimm mínútum síðar í 3:2 tapi gegn Fredericia í dönsku úrvalsdeildinni. Daníel Leó Grétarsson lék allan tímann í vörninni hjá Sønderjyske.
Ólafur Dan Hjaltason (Aarhus Fremad) lék fyrstu 73 mínútunar í 2:0 tapi gegn Hvidovre í dönsku B-deildinni.
Nóel Atli Arnórsson (AaB) kom inn á sem varamaður á 68. mínútu í 2:0 tapi gegn AC Horens í dönsku B-deildinni.
16. ágúst:
Ísak Snær Þorvalsson (Lyngby) skoraði fyrsta mark liðsins í 3:2-útisigri á Kolding í dönsku B-deildinni. Hann lék fyrstu 79 mínúturnar í leiknum og Jóhannes Kristinn Bjarnason (Kolding) kom inn á sem varamaður á 81. mínútu.
Adam Ingi Benediktsson og Ægir Jarl Jónasson (AB) voru báðir í byrjunarliðinu í sigri á Brabrand, 2:1, í dönsku C-deildinni.
17. ágúst:
Elías Rafn Ólafsson (Midtjylland) sýndi frábæra frammistöðu í markinu í 2:0-útisigri á Vejle í dönsku úrvalsdeilidnni. Fyrir frammistöðuna í leiknum hlaut hann 9,9 í einkunn hjá Sofascore.
🏴 England
12. ágúst:
Guðlaugur Victor Pálsson (Plymouth) lék allan tímann og lagði upp mark í 3:2 sigri gegn QPR í 1. umferð enska deildabikarsins.
Stefán Teitur Þórðarson (Preston) lék allan tímann í 1:0-útisigri á Barrow í 1. umferð enska deildabikarsins.
13. ágúst:
Willum Þór Willumsson (Birmingham) lék allan leikinn og átti stoðsendinguna í sigurmarkinu í 2:1 sigri gegn Sheffield United í 1. umferð enska deildabikarsins.
16. ágúst:
Guðlaugur Victor Pálsson (Plymouth) lék fyrri hálfleikinn í 3:2 tapi gegn Lincoln City í ensku C-deildinni.
Stefán Teitur Þórðarson (Preston) kom inn á sem varamaður á 73. mínútu í 2:1 sigri gegn Leicester City í ensku B-deildinni.
Willum Þór Willumsson (Birmingham) kom inn á sem varamaður á 88. mínútu í 2:1 sigri gegn Blackburn Rovers í ensku B-deildinni.
🇫🇷 Frakkland
Hákon Arnar Haraldsson (Lille) skoraði eitt mark þegar liðið gerði 3:3 jafntefli gegn Brest í fyrstu umferð frönsku úrvalsdeildarinnar. Honum var skipt af velli á 85. mínútu.
🇳🇱 Holland
15. ágúst:
Helgi Fróði Ingason (Helmond Sport) lék fyrri hálfleikinn í 1:1 jafntefli við RKC Waaljijk í hollensku B-deildinni.
16. ágúst:
Brynjólfur Willumsson (Groningen) reyndist hetjan er hann skoraði bæði mörk Groningen í 2:1 sigri liðsins gegn Heerenveen í hollensku úrvalsdeildinni. Hann var í leikslok valinn maður leiksins.
17. ágúst:
Kristian Hlynsson (Twente) lék í 71 mínútu í 2:0 tapi gegn PSV í hollensku úrvalsdeildinni.
Nökkri Þeyr Þórisson (Sparta Rotterdam) kom inn á sem varamaður undir lok leiks í 2:1 sigri gegn Utrecht í hollensku úrvalsdeildinni.
🇮🇹 Ítalía
15. ágúst:
Þórir Jóhann Helgason (Lecce) lék allan tímann í 2:0 sigri gegn Juve Stabia í 64-liða úrslitum ítölsku bikarkeppninnar.
16. ágúst:
Bjarki Steinn Bjarkason (Venezia) lék allan tímann í 4:0-stórsigri gegn Mantova í 64-liða úrslitum ítölsku bikarkeppninnar.
17. ágúst:
Óttar Magnús Karlsson (Renate) skoraði í sínum fyrsta leik fyrir Renate í ítalska C-deildarbikarnum. Renate tryggði sér að lokum sigur í vítaspyrnukeppni, 4:2.
🇶🇦 Katar
15. ágúst:
Aron Einar Gunnarsson (Al-Gharafa) skoraði og lék þar til lítið var af leiknum í 4:2-heimasigri gegn Umm Salal í úrvalsdeildinni í Katar. Aron var í leikslok valinn maður leiksins.
الغرافة يقلب النتيجة ويُسجل الهدف الثالث في مرمى أم صلال بواسطة أرون غونارسون بتسديدة قوية في #دوري_نجوم_بنك_الدوحة pic.twitter.com/636wQ0B94H
— علي عيسى #قطر 🇶🇦 (@AliEisaQat) August 15, 2025
🇨🇳 Kína
16. ágúst:
Elías Már Ómarsson (Meizhou Hakka) lék allan tímann í 1:0 tapi gegn Changchun í kínversku úrvalsdeildinni.
🇭🇷 Króatía
15. ágúst:
Danijel Dejan Djuric (NK Istra) kom inn á sem varamaður á 85. mínútu í 1:1 jafntefli gegn Vukovar 91 í úrvalsdeildinni í Króatíu.
🇳🇴 Noregur
13. ágúst:
Davíð Snær Jóhannsson (Aalesund) var í stóru hlutverki þegar liðið tryggði sér sæti í næstu umferð norska bikarsins. Hann lagði upp þrjú af fjórum mörkum liðsins í 4:1 endurkomusigri á Traeff.
Hinrik Harðarson (Odds) var í byrjununarliðið þegar lið hans vann 3:1 sigur á Pors og fór áfram í norska bikarnum.
14. ágúst:
Sævar Atli Magnússon og Eggert Aron Guðmundsson (Brann) voru báðir í byrjunarliði Brann og spiluðu allan leikinn þegar liðið tryggði sæti í umspili um þátttöku í Evrópudeildinni þrátt fyrir 1:0 tap gegn BK Häcken.
16. ágúst:
Diljá Ýr Zomers (Brann) spilaði seinni hálfleikinn í 2:1 sigri á Vålerenga í toppbarátunni í norsku úrvalsdeildinni. Sædís Rún Heiðarsdóttir (Vålerenga) kom einnig við sögu í leiknum.
17. ágúst:
Hinrik Harðarson (Odd) skoraði eitt mark í 2:2 jafntefli við Moss í norsku B-deildinni. Hann var tekinn af velli í uppbótartíma.
Sævar Atli Magnússon (Brann) hélt uppteknum hætti í norsku úrvalsdeildinni þegar hann skoraði eitt marka Brann í 2:1-útisigri á Tromsö. Eggert Aron Guðmundsson (Brann) var þá nýlega kominn inn á sem varamaður og lagði upp markið með sinni fyrstu snertingu í leiknum.
Stefán Ingi Sigurðarson (Sandefjord) skoraði bæði mörkin fyrir sitt lið í 2:2 jafntefli við Kristiansund í norsku úrvalsdeilidnni. Hann lék allan leikinn og var valinn maður leiksins.
Viðar Ari Jónsson (HamKam) spilaði allan tímann í 1:0 sigri á Bryne í norsku úrvalsdeilidnni.
18. ágúst:
Ólafur Guðmundsson (Aalesund) var í byrjunarliðinu þegar liðið lagði Ranheim að velli, 6:0, í norsku B-deildinni og lék rúman klukkutíma. Davíð Snær Jóhannsson kom síðan inn á sem varamaður í blálokin.
🇵🇱 Pólland
12. ágúst:
Gísli Gottskálk Þórðarson (Lech Poznan) lék fyrri hálfleikinn gegn Crvena Zvezda í seinni viðureign liðanna í 3. umferð forkeppni Meistaradeildar Evrópu. Lech Poznan tapaði einvíginu 4:2.
15. ágúst:
Davíð Kristján Ólafsson (Cracovia) lék allan leikinn í 1:0 sigri gegn Widzew í pólsku úrvalsdeildinni.
16. ágúst:
Gísli Gottskálk Þórðarson (Lech Poznan) lék fyrstu 75 mínútunar í 1:1 jafntefli gegn Korona Kielce í pólsku úrvalsdeildinni.
17. ágúst:
Oliver Stefánsson (GKS Tychy) lagði upp mark og var síðan rekinn af velli með rautt spjald í 2:2 jafntefli við Gornik Leczna í B-deildinni í Póllandi.
🏴 Skotland
16. ágúst:
Tómas Bent Magnússon (Hearts) lék fyrri hálfleikinn í tapi gegn St. Mirren þar sem úrslitin réðust eftir vítaspyrnukeppni.
🇪🇸 Spánn
16. ágúst:
Orri Steinn Óskarsson (Real Sociedad) kom inn á sem varamaður á 68. mínútu gegn Valencia í spænsku úrvalsdeildinni.
🇸🇪 Svíþjóð
12. ágúst:
Daníel Tristan Guðjohnsen (Malmö) kom inn á sem varamaður á 80. mínútu í 5:0 stórtapi gegn FC Kaupmannahöfn í seinni viðureign liðanna í 3. umferð forkeppni Meistaradeildar Evrópu.
13. ágúst:
Mikael Neville Anderson (Djurgarden) skoraði sitt fyrsta mark fyrir Djurgarden í Svíþjóð þegar hann skoraði úr vítaspyrnu í 4:1 sigri gegn neðri deildarliðinu Jarfalla í sænska bikarnum.
16. ágúst:
Alexandra Jóhannsdóttir (Kristianstad) spilaði allan leikinn fyrir Kristianstad í 2:1 sigri á Kristianstad í sænsku úrvalsdeildinni. Ísabella Sara Tryggvadóttir (Rosengård) fékk einnig tækifæri í leiknum.
Arnór Ingvi Traustason og Ísak Andri Sigurgeirsson (Norrköping) voru báðir í byrjunarliðinu í 2:1 sigri gegn Elfsborg í sænsku úrvalsdeildinni. Arnór Ingvi skoraði sigurmarkið úr vítaspyrnu á 77. mínútu og Ari Sigurpálsson skoraði eina mark Elfsborg á 68. mínútu. Arnór Ingvi lék allan leikinn en Ísak og Ari voru teknir af velli undir lok leiks.
Daníel Tristan Guðjohnsen (Malmö) átti frábæran leik þegar hann skoraði eitt mark og lagði upp annað í 4:0 stórsigri á Halmstads í sænsku úrvalsdeildinni.
💥 Gudjohnsen med pannan!pic.twitter.com/yxCYtowRAY
— Malmö FF (@Malmo_FF) August 16, 2025
17. ágúst:
Fanney Inga Birkisdóttir (Häcken) lék sinn fyrsta leik frá því í apríl þegar hún stóð í markinu í 5:0 sigri á Växjö í sænsku úrvalsdeildinni.
Kolbeinn Þórðarson (IFK Gautaborg) lék fyrstu 71 mínútuna og lagði upp mark í 2:1 sigri á AIK í sænsku úrvalsdeildinni.
⚽️ Blåvitt-Gnaget 1-0: Tobias Heintz! #ifkgbg pic.twitter.com/TCZrcFIgKy
— BaraBen.com 🏆🏆 (@barabenpaglenn) August 17, 2025
María Catharina Ólafsdóttir Gros lék allan leikinn með Linköping sem tapaði 2:0 fyrir Norrköping, þar sem Sigdís Eva Bárðardóttir kom inn á sem varamaður.
Mikael Neville Anderson (Djurgarden) lék allan leikinn í 1:1 jafntefli við Mjallby í sænsku úrvalsdeildinni.
🇹🇷 Tyrkland
16. ágúst:
Logi Tómasson (Samsunspor) lék allan tímann í 1:0-útisigri á Kocaelispor í tyrknesku úrvalsdeilidnni. Að mati staðarmiðilsins Samsun Son Haber var hann einn af áberandi leikmönnum vallarins og meðal þeirra sem sköruðu fram úr í leiknum.
18. ágúst:
Andri Fannar Baldursson (Kasimpasa) var í byrjunarliðinu og var tekinn af velli undir lok leiks í 1:0 tapi gegn Trabzonspor í tyrknesku úrvalsdeilidnni.
🇩🇪 Þýskaland
17. ágúst:
Ísak Bergmann Jóhannesson (Köln) skoraði sigurmarkið þegar lið hans vann 2:1 dramatískan útisigur á Jahn Regensburg í fyrstu umferð þýska bikarsins. Hann lék allan leikinn.
18. ágúst:
Jón Dagur Þorsteinsson (Hertha Berlin) var í byrjunarliðinu gegn Preussen Munster í þýska bikarnum. Hann lék fyrstu 76 mínútunar í leiknum og Hertha Berlin vann leikinn eftir vítaspyrnukeppni.
Valgeir Lunddal Friðriksson (Dusseldorf) kom inn á í byrjun seinni hálfleiks og lagði upp mark í 4:2 sigri á neðri deildarliðinu Schweinfurt í þýsku bikarkeppninni.
