Jason Daði Svanþórsson sneri aftur til leiks með Grimsby Town í dag þegar liðið vann stórsigur á Cheltenham, 7:1, á heimavelli í ensku D-deildinni.
Grimsby lék tveimur mönnum fleiri mestan hluta síðari hálfleiks eftir að Cheltenham fékk tvö rauð spjöld. Eftir það opnuðust flóðgáttirnar og heimamenn skoruðu fimm mörk í seinni hálfleiknum.
Jason Daði, sem hafði misst af byrjun tímabilsins vegna meiðsla, kom inn á sem varamaður á 67. mínútu og lék sinn fyrsta leik á tímabilinu. Eftir 10 umferðir situr Grimsby í 5. sæti deildarinnar og er í baráttunni um efstu sætin.
Stefán Teitur Þórðarson lék síðustu mínútunar fyrir Preston sem gerði markalaust jafntefli við Bristol City í ensku B-deildinni. Andri Lucas Guðjohnsen lék síðasta hálftímann fyrir Blackburn í sömu deild þegar liðið tapaði 3:0 fyrir Charlton. Preston er í 6. sæti á meðan Blackburn er í 20. sæti.
Benoný Breki Andrésson var í byrjunarliði Stockport og lék í 78 mínútur þegar liðið gerði 1:1 jafntefli við Reading í ensku C-deildinni. Stockport er í 7. sæti.
Þá lék Tómas Bent Magnússon síðustu mínútunar fyrir Hearts sem vann 3:0 sigur á Falkirk í skosku úrvalsdeildinni. Hearts er á toppi deildarinnar eftir sex umferðir.
