Logi Tómasson og samherjar hans í Samsunspor byrjuðu keppnistímabilið í Tyrklandi vel því þeir unnu Gençlerbirliği, 2:1, á heimavelli í fyrstu umferð tyrknesku úrvalsdeildarinnar í dag.
Logi lék allan leikinn í stöðu vinstri bakvarðar og átti fínan leik. Þetta var fyrsti deildaleikur Loga í Tyrklandi en Samsunspor keypti hann af Strømsgodset í sumar.
Andri Fannar Baldursson þreytti sömuleiðis frumraun sína í tyrknesku úrvalsdeilidnni en hann var í byrjunarliði Kasimpasa þegar liðið tapaði fyrir Antalyaspor, 2:1, í kvöld. Andri Fannar lék fyrstu 85 mínútur leiksins.
Andri Fannar var á dögunum keyptur til Kasimpasa frá ítalska liðinu Bologna.
