Meiðsli Gísla Gottskálks Þórðarsonar reyndust minni en haldið var í fyrstu, en hann fór meiddur af velli í bikarleik Lech Poznan gegn Piast Gliwice í vikunni og óttast var um alvarleg hnémeiðsli.
Gísli meiddist á hné þegar hann reyndi að stöðva fyrirgjöf og þurfti að yfirgefa leikvöllinn á sjúkrabörum. Í fyrstu var óttast að hann hafi slitið liðbönd, en niðurstöður segulómunar sýna aðeins tognun á liðbandi. Að sögn læknateymis Lech Poznan er gert ráð fyrir að hann snúi til æfinga í janúar.
Meiðslin koma þó í veg fyrir að Gísli leiki næstu þrjá leiki liðsins, þar á meðal gegn Cracovia um helgina og báða leiki liðsins í Sambandsdeildinni á næstu vikum.
Gísli, sem er 21 árs, hefur spilað 19 leiki fyrir Lech Poznan á tímabilinu og skorað eitt mark.
