Diljá Ýr Zomers skrifaði í dag undir samning við norska úrvalsdeildarliðið Brann. Diljá gerði samning við liðið til ársins 2027.
Diljá Ýr, sem er 23 ára sóknarmaður, kemur frá belgíska liðinu OH Leuven en hún lék með því síðustu tvö ár og varð meistari með liðinu í belgísku úrvalsdeildinni á síðustu leiktíð.
Diljá Ýr lék með FH, Stjörnunni og Val áður en hún fór í atvinnumennsku. Þá lék hún með liðunum Häcken og Norrköping í Svíþjóð áður en hún fór til Belgíu.
Hún á að baki 20 A-landsleiki og var í landsliðshópnum sem fór á EM í Sviss í sumar.
