Daníel Freyr Kristjánsson hefur verið valinn á lista Football Observatory yfir 200 efnilegustu knattspyrnumenn heims undir tvítugu. Fótbolti.net greindi frá.
Greiningin byggir annars vegar á tölfræði og frammistöðu leikmanna og hins vegar á leikreynslu í sterkum deildum. Í efstu sætunum eru leikmenn Barcelona, Lamine Yamal og Pau Cubarsí, en Daníel er á meðal þeirra sem taldir eru líklegir til að láta til sín taka á næstu árum.
Daníel, sem er 19 ára gamall vinstri bakvörður, er samningsbundinn Midtjylland í Danmörku en leikur nú með Fredericia í dönsku úrvalsdeildinni á lánssamningi. Hann átti stóran þátt í að Fredericia tryggði sér sæti í efstu deild á síðustu leiktíð.
Uppalinn hjá Stjörnunni í Garðabæ hélt hann snemma til Danmerkur og hefur þegar leikið 35 landsleiki fyrir yngri landslið Íslands, þar af tíu með U21 árs landsliðinu.
