Andri Fannar Baldursson, leikmaður Bologna á Ítalíu, er að öllu óbreyttu á leið til ítalska liðsins Frosinone, samkvæmt ítalska blaðamanninum Nicolo Schira.
Samkvæmt frétt Fotbolta.net í dag er hins vegar ekkert frágengið í mögulegum félagaskiptum Andra Fannars og margt annað í gangi.
Andri, sem er 23 ára miðjumaður, gekk í raðir Bologna árið 2019 en hefur aðeins leikið 15 leiki fyrir liðið. Hann hefur síðustu ár leikið með liðunum FC Kaupmannahöfn, NEC Nijmegen og Elfsborg þar sem hann hefur verið í láni frá Bologna.
Frosinone var í fallbaráttu í ítölsku B-deildinni á síðustu leiktíð og endaði í 15. sæti.
