Tyrkneska úrvalsdeildarliðið Kasimpasa greiddi Bologna á Ítalíu um 500 þúsund evrur, eða um 70 milljónir íslenskra króna, auk bónusgreiðslna, fyrir Andra Fannar Baldursson. Þetta kemur fram á vef Quotidiano Sportivo í dag.
Í síðasta mánuði framlengdi Bologna samning Andra Fannars um eitt ár og því þurfti Kasimpasa að kaupa hann. Andri Fannar skrifaði í gær undir þriggja ára samning við Kasimpasa.
Andri Fannar lék aðeins 16 leiki hjá Bologna en hann lék á lánssamningi hjá liðunum FC Kaupmannahöfn, NEC Nijmegen og Elfsborg í Svíþjóð á síðustu árum.
Kasimpasa endaði í 10. sæti í tyrknesku úrvalsdeildinni á síðustu leiktíð. Liðið er frá Beyoglu, sem er úthverfi í Istanbúl, höfuðborg Tyrklands. Fyrsti leikur liðsins á komandi leiktíð er þann 9. ágúst.
