Andri Fannar Baldursson átti góðan leik þegar lið hans Kasımpaşa vann Fatih Karagümrük 1:0 á útivelli í tyrknesku úrvalsdeildinni í dag.
Andri Fannar spilaði allan leikinn sem afturliggjandi miðjumaður og fékk hæstu einkunn allra leikmanna hjá SofaScore. Þetta var fyrsti sigur Kasımpaşa á leiktíðinni og liðið er því komið á blað eftir að hafa tapað fyrstu þremur leikjunum.
Logi Tómasson lék stærstan hluta leiksins fyrir Samsunspor sem tapaði 2:1 fyrir Antalyaspor. Hann spilaði fyrstu 85 mínúturnar í leiknum. Samsunspor er í 7. sæti með sjö stig.
