AB í Kaupmannahöfn fór upp í toppsæti dönsku C-deildarinnar með 5:0-heimasigri á Fremad Amager í kvöld. AB var komið í 4:0 í hálfleik og bætti við marki í seinni hálfleik til að fullkomna stórsigurinn.
Jóhannes Karl Guðjónsson stýrir AB sem hefur byrjað leiktíðina af krafti. Adam Ingi Benediktsson hélt hreinu í marki liðsins og Ægir Jarl Jónasson byrjaði leikinn á varamannabekknum.
Eftir níu umferðir er AB í efsta sæti með 18 stig, með jafnmörg og næsta lið, og hefur þannig fest sig í toppbaráttunni í upphafi leiktíðar.
Kristian byrjaði hjá Twente
Kristian Hlynsson var í byrjunarliði Twente sem vann 3:2 sigur á heimavelli gegn Fortuna Sittard í hollensku úrvalsdeildinni. Kristian lék fyrstu 83 mínúturnar í leiknum.
Twente hefur nú unnið tvo leiki í röð og með sigirnum fór liðið upp í 6. sæti með 10 stig. Kristian hefur leikið alla leiki liðsins í fyrstu sjö umferðunum.
