Brynjar Ingi Bjarnason er á leið til þýska 1. deildarliðsins Greuther Fürth, að því er fram kemur á norska vefmiðlinum TV 2 í dag.
Fram kemur í frétt TV 2 að Brynjar Ingi hafi ekki viljað framlengja samning sinn við HamKam í Noregi, en samningur hans þar átti að renna út eftir yfirstandandi tímabil.
Brynjar Ingi á eftir að fara í læknisskoðun hjá Greuther Fürth en talið er að kaupverðið nemi um 250 þúsund evrur, jafngildi 36 milljónum íslenskra króna.
Brynjar Ingi kom til HamKam frá Vålerenga árið 2013 og á hann að baki 75 leiki í norsku úrvalsdeildinni, þar af 61 leik með HamKam.
Greuther Fürth lenti í 13. sæti af 18 liðum í 1. þýsku deildinni á síðustu leiktíð.
