Valgeir Lunddal Friðriksson átti þátt í að Fortuna Düsseldorf fór áfram í þýsku bikarkeppninni í dag. Düsseldorf vann 4:2 endurkomusigur gegn fjórðu deildarliðinu Schweinfurt eftir að hafa verið 1:0 undir í hálfleik.
Valgeir kom inn á í byrjun seinni hálfleiks og lagði upp jöfnunarmarkið fyrir Shinta Appelkamp á 65. mínútu. Cedric Itten, Florent Muslija og Appelkamp bættu við mörkum og tryggðu Düsseldorf sigurinn.
Þá var Jón Dagur Þorsteinsson í byrjunarliði Hertha Berlin sem fór í heimsókn til Preussen Munster. Hann lék fyrstu 76 mínúturnar í leiknum. Ekkert mark var skorað í venjulegum leiktíma og framlengingu og því þurfti að efna til vítaspyrnukeppni, þar sem Hertha Berlin hafði betur, 5:3.
