Atli Eðvaldsson, fyrrverandi landsliðsþjálfari, landsliðsfyrirliði og atvinnumaður í fótbolta, lést í síðustu viku eftir hetjulega baráttu við krabbamein og verður jarðsunginn í dag.
Útförin fer fram frá Hallgrímskirkju og hefst athöfnin kl. 11. Blóm og kransar eru afþakkaðir, en þeim sem vilja minnast Atla er bent á styrktarreikning barna hans: 0546-14-403322, kt: 120582-7129.
Atli átti glæstan feril þar sem hann markaði djúp spor í íslenskri fótboltasögu, bæði sem leikmaður og þjálfari.
Á Íslandi lék Atli með Val, KR og HK. Hann hélt út í atvinnumennsku árið 1980 og spilaði á atvinnumannaferli sínum með liðunum Borussia Dortmund, Fortuna Düsseldorf, Uerdingen og TuRU Düsseldorf í Þýskalandi og Genclerbirligi í Tyrklandi.
Í atvinnumennskunni skoraði Atli 72 mörk: 11 fyrir Borussia Dortmund, 39 fyrir Fortuna Düsseldorf, 11 fyrir Uerdingen, 6 fyrir TuRU Düsseldorf og 5 fyrir Gençlerbirliği.
Íslendingavaktin vottar fjölskyldu og vinum Atla innilegar samúðarkveðjur. Megi minning um góðan mann lifa um ókomna tíð, en hér að neðan má sjá nokkur mörk sem Atli skoraði á atvinnumannaferlinum.
