Fylgstu með okkur:

Fréttir

Launahæstu knattspyrnumenn Íslands – Gylfi í sérflokki

Gylfi Þór er langlaunahæsti íslenski atvinnumaðurinn enn eitt árið, eða með um 750 milljónir króna á ári, samkvæmt samantekt Viðskiptablaðsins.

ÍV/Samsett

Gylfi Þór Sigurðsson, leikmaður Everton, er langlaunahæsti íslenski atvinnumaðurinn enn eitt árið. Þetta kem­ur fram í áramótablaði Viðskiptablaðsins og Frjálsrar verslunar, sem kom út í gær. Þar er birtur listi yfir 32 launa­hæstu ís­lensku íþrótta­menn­ina.

Gylfi Þór fær um 62,5 millj­ónir ís­lenskra króna í laun á mánuði og nema árs­laun hans um 750 millj­ón­um króna og er hann lang­tekju­hæsti ís­lenski íþróttamaður­inn.

Næstur á eftir Gylfa er Jóhann Berg Guðmundsson, leikmaður Burnley, með árslaun upp á 300 milljónir íslenskra króna.

Í þriðja sæti er Birkir Bjarnason, leikmaður Al-Arabi, með um 290 milljónir króna á ári og samherji hans, Aron Einar Gunnarsson er í sætinu fyrir neðan, með um 230 milljónir króna. Alfreð Finnbogason, leikmaður Augsburg, er í fimmta sæti, með um 220 milljónir á ári.

Í sæt­um sex til tíu yfir áætluð árslaun eru – í þessari röð – Björn Bergmann Sigurðarson (með um 190 milljónir króna), Hörður Björgvin Magnússon (með um 185 milljónir króna) og Sverrir Ingi Ingason (með um 180 milljónir króna), Viðar Örn Kjartansson (með um 180 milljónir króna) og Ragnar Sigurðsson (með um um 175 milljónir króna).

Rúnar Már Sigurjónsson var sá leikmaður sem hækkaði mest í launum á milli ára en hann gekk í raðir Astana í Kasakstan um mitt ár og er með um 110 milljónir króna á ári.

Kolbeinn Sigþórsson, leikmaður AIK, og Aron Jóhannsson, leikmaður Hammarby, lækkuðu hins vegar talsvert í launum á milli ára. Kolbeinn lækkaði úr 130 milljónum króna niður í 30 milljónir og Aron fer úr 200 milljónum króna niður í 45 milljónir.

Listi Viðskiptablaðsins yfir 32 launa­hæstu ís­lensku íþrótta­menn­ina:

Gylfi Þór Sigurðsson – Everton – um 750 milljónir króna

Jóhann Berg Guðmundsson – Burnley – um 300 milljónir króna

Birkir Bjarnason – Aston Villa/Al-Arabi – um 290 milljónir króna

Aron Einar Gunnarsson – Cardiff/Al-Arabi – um 230 milljónir króna

Alfreð Finnbogason – Augsburg – um 220 milljónir króna

Björn Bergmann Sigurðarson – Rostov – um 190 milljónir króna

Hörður Björgvin Magnússon – CSKA Moskva – um 185 milljónir króna

Sverrir Ingi Ingason – Rostov/PAOK – um 180 milljónir króna

Viðar Örn Kjartansson – Rubin Kazan – um 180 milljónir króna

Ragnar Sigurðsson – Rostov-  um 175 milljónir króna

Jón Daði Böðvarsson – Millwall – um 130 milljónir króna

Jón Guðni Fjóluson – Krasnodar – um 120 milljónir króna

Rúnar Már Sigurjónsson – Astana – um 110 milljónir króna

Arnór Sigurðsson – CSKA Moskva-  um 100 milljónir króna

Aron Pálmarsson (handboltamaður) – Barcelona – um 80 milljónir króna

Emil Hallfreðsson – Udinese (án liðs í dag) um 70 milljónir króna

Guðlaugur Victor Pálsson – Darmstadt – um 70 milljónir króna

Rúnar Alex Rúnarsson – Dijon – um 60 milljónir króna

Rúrik Gíslason – Sandhausen – um 55 milljónir króna

Ari Freyr Skúlason – Oostende – um 50 milljónir króna

Guðjón Valur Sigurðsson (handboltamaður) – Barcelona – um 50 milljónir króna

Matthías Vilhjálmsson – Vålerenga – um 45 milljónir króna

Albert Guðmundsson – AZ Alkmaar – um 45 milljónir króna

Aron Jóhannsson – Hammarby – um 45 milljónir króna

Guðmundur Þórarinsson – IFK Norrköping – um 40 milljónir króna

Hjörtur Hermannsson – Brøndby um 40 milljónir króna

Jón Dagur Þorsteinsson – AGF – um 40 milljónir króna

Andri Rúnar Bjarnason – Kaiserlautern – um 35 milljónir króna

Arnór Ingvi Traustason – Malmö – um 30 milljónir króna

Kolbeinn Sigþórsson – AIK – um 30 milljónir króna

Arnór Smárason – Lillestrøm – um 20 milljónir króna

Áætluð laun á ári í krónum talið fyrir skatta.

Ekki missa af

Fleira tengt: Fréttir