Nokkrir íslenskir leikmenn léku lykilhlutverk í bikarkeppnum víða um Evrópu í kvöld.
Sveinn Aron Guðjohnsen skoraði þriðja mark Sarpsborg í ævintýralegum leik gegn Kjelsås í norska bikarnum. Eftir 5:5-jafntefli í framlengingu tryggði Sarpsborg sér sæti í 16-liða úrslitum með sigri í vítaspyrnukeppni, 6:5.
Davíð Snær Jóhannsson skoraði eitt marka Álasunds í 3:1-sigri liðsins á Lysekloster og lék allan leikinn ásamt Ólafi Guðmundssyni. Hilmir Rafn Mikaelsson lék allan tímann með Viking sem vann Eik Tønsberg 2:0.
Ísak Snær Þorvaldsson lék allan leikinn fyrir Lyngby í 2:0-tapi gegn FC Kaupmannahöfn, þar sem Viktor Bjarki Daðason sat á bekknum.
Davíð Kristján Ólafsson var í byrjunarliði Cracovia sem vann 5:1 á móti Leczna í pólsku bikarkeppninni.
Guðmundur Þórarinsson spilaði frá byrjun þegar Noah hafði betur gegn Van, 2:1, í Armeníu. Hjörtur Hermannsson kom svo inn af bekknum í hálfleik hjá Volos í leik gegn Atromitos í gríska bikarnum sem endaði 1:1.
