Sergio Francisco hefur verið látinn fara sem aðalþjálfari Real Sociedad eftir slakt gengi liðsins í spænsku úrvalsdeildinni. Liðið situr í 15. sæti með sextán stig eftir sextán leiki og er rétt fyrir ofan fallsvæðið.
Francisco tók við liðinu í sumar eftir að hafa stýrt unglingaliðum félagsins en árangurinn með aðalliðið hefur ekki staðist væntingar. Tap gegn Girona á föstudag, hið þriðja í röð, varð til þess að stjórnendur ákváðu að bregðast við.
Ion Ansotegi mun stýra liðinu tímabundið á meðan leitað er að nýjum þjálfara. Orri Steinn Óskarsson hefur verið frá keppni vegna meiðsla en stefnir á endurkomu í næstu leikjum.
