Daníel Tristan Guðjohnsen, leikmaður Malmö, hefur verið útnefndur í úrvalslið lokaumferðar sænsku úrvalsdeildarinnar að mati FotbollDirekt eftir góðan leik í 2:1-sigri á GAIS í gær.
Markið kom á 62. mínútu þegar Daníel lék á varnarmann og skoraði af öryggi innan teigs. Með sigrinum fór Malmö upp fyrir AIK og endaði tímabilið í sjötta sæti.
Daníel hefur átt gott ár í Svíþjóð og verið á meðal áberandi leikmanna Malmö á tímabilinu. Þetta er í þriðja sinn á tímabilinu sem hann er valinn í úrvalslið umferðarinnar, en hann lauk sínu fyrsta heila tímabili sem atvinnumaður með fimm mörk og fjórar stoðsendingar í 23 leikjum.
Malmö FF har vänt på matchen, Daniel Gudjohnsen gör 2-1! 🔵
📲 Se Allsvenskan på HBO Max pic.twitter.com/qW5jShSDCW
— Sports on HBO Max 🇸🇪 (@sportshbomaxse) November 9, 2025
