Brann hafði betur gegn Inter, 2:1, í 2. umferð undankeppni Meistaradeildar Evrópu kvenna í gær. Íslenskar landsliðskonur sáu um bæði mörkin í fyrri hálfleiknum.
Karólína Lea Vilhjálmsdóttir kom Inter yfir strax á 7. mínútu og skoraði þar með sitt fyrsta mark fyrir liðið. Brann jafnaði stuttu síðar þegar Diljá Ýr Zomers skoraði eftir hraða sókn. Sjá má mörkin hér að neðan.
Í marki Inter var Cecilía Rán Rúnarsdóttir sem fékk nóg að gera þegar norska liðið sótti sigurmarkið í seinni hálfleik.
Brann heldur áfram í úrslitaleik um helgina þar sem sæti í Meistaradeildinni er undir, á meðan Inter fær annað tækifæri í Evrópudeild UEFA.
