Daníel Leó Grétarsson tryggði Sønderjyske sigurinn í blálokin þegar liðið vann Vejle 2:1 í dönsku úrvalsdeildinni í gær.
Vejle náði forystunni í fyrri hálfleik, en Sønderjyske jafnaði metin skömmu fyrir leikhlé eftir undirbúning Kristals Mána Ingasonar.
Þegar allt virtist stefna í jafntefli skallaði Daníel Leó boltann í netið á þriðju mínútu uppbótartímans og tryggði liðinu þrjú dýrmæt stig. Markið má sjá hér að neðan.
Með sigrinum fór Sønderjyske upp í fimmta sæti deildarinnar og er nú með 19 stig eftir 14 umferðir.
