Nökkvi Þeyr Þórisson kom inn af bekknum þegar Sparta Rotterdam vann 5:2-sigur á Groningen í hollensku bikarkeppninni í gærkvöldi.
Nökkvi átti fína innkomu í leiknum og lagði upp fjórða mark Spörtu með góðri sendingu. Frammistaðan var ánægjuleg fyrir Nökkva sem hefur fengið takmarkaðan leiktíma á tímabilinu en nýtti tækifærið vel.
Brynjólfur Darri Willumsson lék einnig í leiknum fyrir Groningen og kom inn á í seinni hálfleik. Sparta er nú komið áfram í fjórðu umferð keppninnar.
Kristian Nökkvi Hlynsson var í byrjunarliði Twente sem vann 4:1-sigur á Raalte. Twente lenti undir snemma leiks en sneri taflinu sér í vil og leiddi 3:1 þegar Kristian Nökkvi fór af velli um miðjan seinni hálfleik. Liðið bætti við marki undir lokin og er komið áfram í fjórðu umferð keppninnar.
