Kolbeinn Þórðarson lagði upp eina markið í 1:0-útisigri IFK Gautaborgar á Sirius í sænsku úrvalsdeildinni í dag.
Markið skoraði David Kruse eftir hornspyrnu þar sem Kolbeinn skallaði boltann í aðdragandanum eftir rúmlega klukkutíma leik, sem má sjá hér að neðan. Kolbeinn var síðan tekinn af velli á 61. mínútu.
Kolbeinn hefur verið mikilvægur í liði IFK Gautaborgar á leiktíðinni en liðið er sem stendur í 7. sæti deildarinnar með 25 stig eftir 16 leiki. Kolbeinn hefur leikið 13 deildarleiki á leiktíðinni og skorað í þeim fjögur mörk og lagt upp eitt mark.
