Óttar Magnús Karlsson skoraði glæsilegt mark þegar Renate og Pro Vercelli skildu jöfn, 1:1, í ítölsku C-deildinni í dag.
Óttar, sem var í byrjunarliði og lék í 89 mínútur, kom Renate yfir á 18. mínútu með glæsilegu skoti beint úr aukaspyrnu. Boltinn fór í hægra hornið og var óverjandi fyrir markvörð Pro Vercelli. Markið má sjá hér að neðan.
Pro Vercelli jafnaði metin um miðjan seinni hálfleik og jafntefli varð niðurstaðan. Renate er nú með 21 stig í 9. sæti í sínum riðli eftir 17 umferðir.
