Davíð Snær Jóhannsson skoraði sitt fjórða mark á leiktíðinni þegar Álasund heimsótti Start í norsku B-deildinni í gær. Hann kom inn af varamannabekknum á 75. mínútu og klóraði í bakkann með marki á 88. mínútu. Heimamenn voru þó þegar komnir með þægilega forystu og lauk leiknum með 3:1 sigri Start.
Ólafur Guðmundsson var í leikmannahópnum hjá Álasund en fékk ekki tækifæri. Liðið er í 5. sæti með 32 stig eftir 20 umferðir.
Í sömu deild lék Hinrik Harðarson fyrri hálfleikinn með Odd í 2:1 tapi gegn Kongsvinger. Odd situr í 11. sæti með 23 stig.
