Daníel Tristan Guðjohnsen heldur áfram að skara fram úr með Malmö í sænsku úrvalsdeildinni. Í dag lagði hann upp fyrsta mark liðsins í 3:2 sigri gegn Värnamo.
Framherjinn hefur átt gott tímabil með Malmö og er nú kominn með fjögur mörk og fjórar stoðsendingar í deildinni. Malmö situr í 4. sæti með 42 stig, en Arnór Sigurðsson var ekki með vegna meiðsla.
Hákon Arnar Haraldsson lék allan tímann fyrir Lille sem tapaði 0:1 fyrir Lyon í frönsku úrvalsdeildinni. Lille hefur tapað tveimur deildarleikjum í röð og er í 6. sæti deildarinnar eftir sex umferðir.
Ísak Bergmann Jóhannesson lék í 74 mínútur fyrir Köln sem tapaði 1:2 fyrir Stuttgart í þýsku úrvalsdeildinni. Köln er í 7. sæti eftir fimm umferðir.
Andri Fannar Baldursson lék allan leikinn fyrir Kasimpasa sem vann 2:1-útisigur á Rizespor í tyrknesku úrvalsdeildinni. Kasimpasa er í 11. sæti eftir sjö umferðir.
Hjörtur Hermannsson var á sínum stað í vörninni hjá Volos sem tapaði 1:0 fyrir AEK frá Aþenu í grísku úrvalsdeildinni. Volos er í 7. sæti eftir fimm umferðir.
Viðar Ari Jónsson kom inn af bekknum á 83. mínútu hjá HamKam sem vann 4:0-stósigur gegn Rosenborg í norsku úrvalsdeildinni. Sigurinn var mikilvægur fyrir HamKam, sem er í fallumspilssæti þegar sjö umferðir eru eftir af leiktíðinni.
Lúkas Blöndal Petersson stóð í markinu hjá varaliði Hoffenheim sem gerði 1:1 jafntefli við Ulm í þýsku C-deildinni.
