Elías Már Ómarsson lék í dag sinn fyrsta leik fyrir Meizhou Hakka þegar liðið gerði 1:1 jafntefli við Henan í kínversku úrvalsdeildinni.
Elías Már, sem gekk í raðir Meizhou Hakka í síðustu viku, byrjaði leikinn á varamannabekknum en lék allan seinni hálfleikinn. Hann var nálægt því að setja mark sitt á leikinn strax á 46. mínútu þegar hann virtist hafa komið Meizhou Hakka í 1:0 en markið var dæmt af eftir skoðun í VAR, þar sem boltinn fór ekki allur yfir línuna. Atvikið má sjá hér að neðan.
Meizhou Hakka situr í 14. sæti í kínversku úrvalsdeildinni, aðeins fimm stigum frá fallsæti.
