Kristian Nökkvi Hlynsson var í aðalhlutverki þegar Twente fagnaði 5:1-sigri á Sparta Rotterdam í hollensku úrvalsdeildinni í kvöld.
Hinn 21 árs gamli miðjumaður lagði upp fyrsta mark leiksins á 13. mínútu og skoraði sjálfur annað mark Twente í upphafi seinni hálfleiks með laglegu skoti við vítateigsbogann. Það var fyrsta mark hans fyrir liðið og jafnframt gegn Sparta, sem hann lék með á síðasta tímabili á lánssamningi. Markið og stoðsendingu hans í leiknum má sjá hér að neðan.
Kristian var tekinn af velli á 72. mínútu þegar staðan var orðin 4:1 og sigurinn í raun tryggður. Með þessari frammistöðu hefur hann staðfest stöðu sína sem lykilmaður hjá Twente, sem er nú í 10. sæti deildarinnar.
Nökkvi Þeyr Þórisson sat allan leikinn á varamannabekknum hjá Sparta.
