Inter vann öruggan 2:0-útisigur á Lazio í ítölsku A-deildinni í dag og áttu íslensku landsliðskonurnar hjá félaginu veigamikinn þátt í sigrinum. Karólína Lea Vilhjálmsdóttir lagði upp bæði mörk Inter í seinni hálfleiknum, á 55. og 61. mínútu, og lék allan leikinn á miðjunni.
Cecilía Rán Rúnarsdóttir var traust í marki Inter og lék hún frá upphafi til enda. Hún hélt markinu hreinu og varði vítaspyrnu á 89. mínútu. Svipmyndir úr leiknum má sjá hér að neðan.
Með sigrinum situr Inter í 6. sæti deildarinnar með níu stig eftir sjö umferðir.
