Hólmbert Aron Friðjónsson skoraði fyrra mark Gwangju í 2:0-sigri liðsins á Ulsan í næstsíðustu umferð fallriðils úrvalsdeildarinnar í Suður-Kóreu í dag. Markið kom strax á 3. mínútu og var það annað mark Hólmberts á tímabilinu.
Sigurinn staðfesti stöðu Gwangju á toppi fallriðilsins, en liðið hefur þegar tryggt sér áframhaldandi veru í deildinni og er komið með 51 stig.
Gwangju mætir Suwon í lokaumferðinni um næstu helgi áður en liðið leikur til úrslita í bikarkeppninni gegn Jeonbuk. Mark Hólmberts í dag má sjá hér að neðan.
