Það tók Hákon Arnar Haraldsson aðeins sex mínútur að koma Lille yfir í útileik liðsins gegn Roma í Evrópudeildinni.
Hákon fékk boltann í teignum eftir mistök hjá varnarmönnum Roma og skoraði með föstu skoti sem fór framhjá Mile Svilar í markinu. Þetta er annar leikur Lille í deildarkeppninni og með sigri í Róm gæti franska liðið haldið áfram með fullt hús stiga eftir tvær umferðir.
Eftir liðlega hálftíma leik í fyrri hálfleiknum heldur Lille áfram að leiða á Olimpico-leikvanginum.
