Sævar Atli Magnússon kom Brann yfir gegn Utrecht í Evrópudeildinni þegar hann skoraði á 41. mínútu leiksins.
Sævar Atli fékk boltann í teignum og skaut í neðra nærhornið. Þetta er annað mark hans í deildarkeppni Evrópudeildarinnar, en hann skoraði einnig í fyrsta leik Brann gegn Lille í síðustu viku.
Í leikhléi er staðan 1:0 fyrir Brann á heimavelli. Eggert Aron Guðmundsson er jafnframt í byrjunarliði liðsins og Freyr Alexandersson stýrir liðinu.
