Sveindís Jane Jónsdóttir kom Angel City til bjargar í 1:1 jafntefli gegn San Diego Wave í bandarísku NWSL-deildinni í nótt.
San Diego virtist hafa tryggt sér sigurinn með marki á 86. mínútu, en gestirnir sóttu af krafti á lokasprettinum. Á annarri mínútu í uppbótartíma fór Sveindís upp hægri kantinn og átti nákvæma fyrirgjöf sem Alanna Kennedy skallaði í netið.
Þetta var annar leikur Sveindísar fyrir Angel City eftir komu hennar frá Wolfsburg í sumar. Hún lék allan leikinn, skapaði oft hættu og átti stóran þátt í að liðið situr nú í 11. sæti með 16 stig eftir 15 umferðir.
Stoðsendingu Sveindísar má sjá hér að neðan.
View this post on Instagram
